Метаверсус, женско трио со исклучитечен талент

Метаверсус е женски бенд за кој се зборува веќе пет години. Бендот од самиот почеток го задржува својот состав, а го сочинуваат трите млади, убави и талентирани девојки, Маја Колеска (вокал и гитара), Теодора Илиевска (Синтисајзер и помошен вокал) и Марија Узуновска (гитара и бас). Музиката која ја изведуваат се движи во границите на поп рок музиката, почнувајќи од светски изведувачи како Абба, Queen, Red hot chili peppers, Натали Имбруглиа, Cranberries до бендови од нашите простори како Архангел, ЕКВ но ѝ наши изведувачи како, Каролина, Калиопи и други.

Метаверсус веќе неколку години наназад се во успешна соработка со ЈУ Конгресен центар „Александар Македонски“- Скопје и заземаат учество во многу проекти кои ги најавува и поддржува Градот Скопје. Оваа година се дел од проектот „Улични музичари и артисти“, проект чија цел е културно заживување на централното гратско подрачје преку урбана уметност и култура.

Маја, една од членките на групата, споделува дел од своето искуство од овој проект. „Веќе 3 години сме активни членови од ,,Улични музичари и артисти“ поддржан од Град Скопје. Во склоп на овој проект, освен на одредените локации како Градскиот трговски центар, Матица на иселеници, улица Македонија, сме имале можност да учевствуваме и на различни дополнителни активности со наше присуство, како што е свирка направена во автобус на ЈСП возејќи накај Водно каде имавме шанса да ги забавуваме патниците со нашата музика“ – раскажува Маја.

„Како дел од проектот улични музичари сме имале можност на многу луѓе да им ја пренесме нашата музика и скоро секогаш сме биле прекрасно прифатени. Сме имале многу интересни реакции од случајните минувачи кои освен пари исто така ни оставале и чоколадо, па дури во еден случај кога свиревме блиску до еден изработувач на обетки добивме прекрасна изработка како благодарам – се смее Маја. „Најдобро сме секогаш прифатени од најмалите кои освен што уживаат во нашата музика секогаш пронаоѓаат шанса и да поиграат на некои од повеселите песни кои ги изведуваме“.

„Уличните музичари и артисти“ го будат духот на урбаното Скопје!

Facebook Comments
dare

dare

Уредник на муабет.мк