Заврши тринаесетто издание на Детскиот литературен фестивал „Ракатки“

На 22 и 23 април во Радовиш се одржа тринаесетто издание на Државниот детски литературен фестивал „Ракатки“.
Младите литерати Никола Трендафилов, Мила Маркоска, Ангела Кранго , Емине Мемети, Благица Илиева, Наде Ефремова, Филимена Најдовска, Андреј Јанковиќ, Милица Василева, Искра Митевска, Андреа Наковска, Ана Маркоска, Вања Јанева, Ангела Трајкова, Стефани Јованова, Тања Митковска, Барбара Стојковиќ, Анастасија Ристова, Ане Вељаноска, Назар Хамди, Анастасија Богдановска, Климентина Котеска, Анѓела Ивановска, Македонска Митева, Марина Мојсовска, Надја Илиевска, Мартина Пешова и Илијана Симовска ни ги прочитаа своите преубаво напишани песни и раскази на македонски, турски, влашки, албански и ромски јазик.

Со тоа фестивалот, уште еднаш потвди дека е фестивал за сите деца од нашата татковина.
Менторите Лидија Каратулкова, Љуба Мишевска, Татјана Нанкова, Ленче Евчевска, Васка Николова Икономова, Каменита Костадинова-Атанасова, Љупка Стојменова, Томе Постолов, Александра Упале, Лиле Жабоска, Билјана Герас, Тина Лазаровска, Ленче Китанова, Весна Поп-Алексова, Анета Јанковиќ, Соња Деловска, Митра Цилевска, Дунавка Табаковска, Соња Кироваков, Рада Столеска, Николче Јакимовски, Јулијана Талеска, Снежана Матевска, Катерина Алексова Наумова, Јулијана Малинова, Јадранка Клисарова, Каролина Попова, Анкица Петрушевска, Катица Димовска и Валентина Петрушевска беа пресреќни што нивните вредни, талентирани и креативни ученици плодовите ан својата дарба и својот труд ги претставија во национални рамки.
Треба да се спомне дека годинава благодарение на Основното музичко училиште „Никола Карев“ од Радовиш, литературниот фестивал беше збогатен со три врни уметнички точки од младите музички уметници Горјан Симовски, Моника трајанова и Јана Јованова, под менторство на наставниците Јован Трајанов, Андријана Јанков и Натка Ристова.

Специјални гости на фестивалот беа писателот Перо Миленкоски и уредничката на „Колибри“ , новинарката Марија Таушанска Анастасовска. Интересно е што двајцата специјални гости се поврзани со „Колибри“ и со „Ракатки“. Всушност писателот Миленкоски е еден од некогашните уредници на најстариот и единствен додаток за деца во дневниот печат во Македонија-„Колибри“.
Во рамките на фестивалот се одржа и литературно читање каде пред учениците и менторите настапија Славка Арсова, Стојан Арсиќ, Горјан Петревски, Горан Анчевски, Филип Димкоски и Перо Миленкоски.

Учениците и менторите имаа и прочетка низ Радовиш и посета на некои знаменитости во градот.
Благодарение на градоначалникот Сашко Николов кој сесрдно го поддржа овој фестивал и благодарение на наставникот Томе Постолов кој годинава ја имаше улогата на домаќин и организатор, годинешното тринаесетто издание се чини дека беше скалило погоре и можеби едно од најубавите изданија на фестивалот.

dare

dare

Уредник на муабет.мк