Лебедово Езеро – П. И. Чајковски

ЛЕБЕДОВО ЕЗЕРО – Петар Илич Чајковски
Балет
Оркестар на Државната опера во Пловдив (Бугарија)
Солисти и балетскиот ансамбл на Македонска опера и балет

Бисера Чадловска – диригент, Виктор Јаременко (Украина) – кореографија, Тања Вујисиќ-Тодоровска – Главен репетитор и педагог, Андреј Злобин (Украина) – сценографија, Гана Ипатиева (Украина) – костимографија, Милчо Александров – светло дизајн

Настапуваат: Марија Кичевска-Шокаровска, Бобан Ковачевски, Дојчин Дочев

Опстојувајќи на сцената повеќе од 130 години, „Лебедово езеро“ е без сомнение најголемото балетско дело на сите времиња. Успехот на балетот во најголема мера се должи на прекрасната музика на Петар Илич Чајковски што претставува едно од најголемите уметнички остварувања во историјата. Чајковски балетот го завршил во 1876 година за Бољшој театарот од Москва. Во кореографија на Јулиус Рајзингер, делото премиерно е изведено на 22 февруари 1877 година. Без намера да направи реформа во балетската музика, Чајковски се оддал на пишување на „Лебедово езеро“ третирајќи го балетот како уметничка форма достојна за имагинативна музичка содржина. Во оваа продукција, солистите и балетскиот ансамбл на МОБ ќе настапат придружени од Симфонискиот оркестар на Пловдив. Основан во 1945 година, корените на овој реномиран бугарски ансамбл лежат во 100-годишната традиција на оркестарска музика во Пловдив како еден од најголемите културни центри во Бугарија и Европа. Оркестарот изведува широк репертоар на симфониска и оперска музика, а со него на сцената продефилирале најзначајните европски и светски солисти и диригенти. Симфонискиот оркестар на Пловдив својот престижен статус го има стекнато со бројните реализирани концерти, турнеи и гостувања во Европа и САД и со многуте реализирани снимки.

dare

dare

Уредник на муабет.мк