Театарска претстава „Понуда за Брак“ од А. Чехов

Едночинката „Понуда за брак“ од Антон Павлович Чехов е тетарска престава со која ќе настапат членовите од Детскиот алтернативен театар “Мали а големи” кој функционира во рамките на Сојузот за грижи и воспитување на децата на Македонија.

Режијата е на Весна Гаврил, а во претставата играат Матеј Голубовиќ, Кристијан Ковачевски и Ева Стојчевска. “Понуда за брак” е едночинка која ја акцентира борбата за балансирање на економските потреби на бракот и личните потреби на ликовите да ја состават сопствената сложувалка на можниот заеднички живот. Едночинката го акцентира комичниот приказ на очајната потреба на ликовите да се стапи во брак. Сатирата успешно се постигнува преку прикажувањето на бесмислените расправии на двојката за секакви ситници кои играат релевантна улога во нивниот секојдневен живот. Посебна свежина внесуваат актерите кои низ комичниот приказ на една секојдневна семејна расправија го доближуваат ова комично дело на Чехов уште поблиску до денешниве расправии и со тоа сатирата станува уште поактуелна.

dare

dare

Уредник на муабет.мк