Восток ви ја преставува новата книга од Михајло Свидерски

Во издание на издавачката куќа ВОСТОК, објавена е поетската збирка Ѕвезди што спијат од Михајло Свидерски. Во времиња кога на поезијата неретко ѝ се случува да подзаборави на некои апсолутни вредности како самата мудрост на стихот (и мудроста како стил) или, пак, сосем обратно, изнасилено да инсистира на нив, несмасно облекувајќи го телото со зборови, заборавајќи облекувајќи го да го вдахнови со живот, во времиња кога инстантното, наголемо е присутно со своите реквизити за брзо, краткотрајно, но, сепак, привлечно уживање што не прави ништо освен што забавува и замајува, се појавува стихозбирката на Михајло Свидерски – „Ѕвезди што спијат“. Збирката содржи пет циклуси кои колку што претставуваат засебни, кохерентни и компактни целини толку, од друга страна, се еднакво и неизбежно значајни столбови на поетскиот универзум на оваа збирка од Свидерски замислена и беспрекорно конституирана како Цело, „сѐ е цело“ сосе мракот и денот, страданието и спасението, разделбата како земски и горчлив чин на испраќање и физичко одвојување, но и како спасувачка утеха која не значи ништо друго туку радост поради преминот во поубавото, вели  писателката Фросина Пармаковска.

Михајло Свидерски  е роден во 1991 во Битола. Пишува поезија и проза.

За романот Бело и Црвено  во 2014 година ја добива  наградата „Новите“ за најдобар прозен дебитантски ракопис, кој подоцна е објавен и на бугарски јазик. Ѕвезди што спијат е негова трета поетска збирка.

Share Button
dare

dare

Уредник на муабет.мк

Напишете коментар

Вашата адреса за е-пошта нема да биде објавена.