„ПЧЕЛКИ НА РОЛЕРКИ“ – нова книга за деца од Ели Маказлиева

„ПЧЕЛКИ НА РОЛЕРКИ“ од Ели Маказлиева е најнова поетска книга за деца, со сосема нови иновативни поетски жанрови од песна-расказница до песна-веселница.  Полна со хумор, како мозаик од песни кои се драмски реплики од една голема гумористична драма, книгата е вистинско поетско доживување  преку галерија ликови на животни, птици, инсекти, растенија……Пчелки на ролерки е вистинска оаза на поетско доживување, преку виртуозни персонификации, метафори, рими,еуфонии, кованици, неологизми- Маказлиева со оваа книга покажа колку блескаво владее со виртуозноста на стихот кој ја усовршува културата на говор кај децата и го збогатува јазичниот фонд низ многу смеа, низ вистинска слатка медовина како духовно-едукативна наслада….напиша меѓу другото рецензентката проф.д-р Кристина Николовска.

„ПЧЕЛКИ НА РОЛЕРКИ“ од Ели Маказлиева –автор на голем број книги за деца па и за возрасни,а која припаѓа во редот на оние малубројни автори кои целосно се посветени на творештвото за најмладите, претставува уште едно ново дело сместено на околу 140 страници, теми поделени во пет циклуси чии наслови децидно ги откриваат темите и ненаметливите пораки/поуки со педагошки-книжевно рамновесие. Книгата е збогатување и проширување на поетскиот влог во современата македонска книжевност. Песната е радост и игра, прекрасна дружба за детето и воздигнување на духовното богатство. Дури ако останало нешто недоречено или недообјаснето, секоја песна е пропратена со оригинална илустрација која дава неверојатна можност за сликовито доигрување. Римата и ритамот како стожерни елементи на исписот привлекуваат и го предизвикуваат младиот читател. Веселоста на стихот е среќен одбир и постапка во творечката лабораторија на Маказлиева, кој дава можност за учење и подучување низ лавиринтите на растењето…забележа меѓу другото рецензентот проф.д-р Васил Тоциновски.

Facebook Comments
dare

dare

Уредник на муабет.мк